ಮುಂಬರುವ ವಿಧಾನಸಭಾ ಚುನಾವಣೆಗೆ ಸಂಬಂಧಿಸಿದಂತೆ ಈ ಬಾರಿ ಹಿರಿಯ ನಾಗರೀಕರು ಮತ್ತು ವಿಕಲಚೇತನ ಮತದಾರರಿಗೆ ಮನೆಯಿಂದಲೇ ಮತದಾನ ಮಾಡುವ ಅವಕಾಶವನ್ನು ಚುನಾವಣಾ ಆಯೋಗ ಈ ಬಾರಿ ಒದಗಿಸಿಕೊಟ್ಟಿದೆ.
ನಮೂನೆ 12-ಡಿ ಪಡೆದ ಅರ್ಹ ಮತದಾರರಿಗೆ ನಾಳೆ ಏಪ್ರಿಲ್ 29ರಿಂದ ಮೇ 01 ರವರೆಗೆ ಅಂಚೆ ಮತಪತ್ರಗಳನ್ನು ವಿತರಿಸಲಾಗುತ್ತಿದೆ.
ಈ ಬಗ್ಗೆ ಮೂಡಿಗೆರೆ ವಿಧಾನಸಭಾ ಕ್ಷೇತ್ರದ ಚುನಾವಣಾಧಿಕಾರಿ ರಾಜೇಶ್ ಅವರು ಮಾಹಿತಿ ನೀಡಿದ್ದು ಮೂಡಿಗೆರೆ ವಿಧಾನಸಭಾ ಕ್ಷೇತ್ರದ ವ್ಯಾಪ್ತಿಯಲ್ಲಿ 176 ಹಿರಿಯ ನಾಗರೀಕರು ಮತ್ತು 31 ವಿಕಲಚೇತನ ಮತದಾರರು ನಮೂನೆ 12-ಡಿ ಅಡಿಯಲ್ಲಿ ಮನೆಯಿಂದಲೇ ಮತದಾನ ಮಾಡುವುದಾಗಿ ತಿಳಿಸಿ ಸಹಿ ಹಾಕಿ ಕೊಟ್ಟಿರುತ್ತಾರೆ. ಅಂತಹ ಮತದಾರರಿಗೆ ದಿನಾಂಕ 29.04.2023 ರಿಂದ 01.05.2023 ರ ವರೆಗೆ ಅಂಚೆ ಮತ ಪತ್ರಗಳನ್ನು ವಿತರಿಸಿ ಮತದಾನ ನಡೆಸಲು ತಂಡಗಳನ್ನು ರಚಿಸಲಾಗಿದ್ದು ಅಂಚೆ ಮತ ಪತ್ರ ಕೋರಿರುವ ಮತದಾರರು ಸದರಿ ದಿನಗಳಂದು ವಿಧಾನ ಸಭಾ ಕ್ಷೇತ್ರ ವ್ಯಾಪ್ತಿಯಲ್ಲಿ ತಾವು ನಮೂನೆ 12-ಡಿ ಅಲ್ಲಿ ನೀಡಿರುವ ವಿಳಾಸದಲ್ಲಿಯೇ ಹಾಜರಿದ್ದು ಮತದಾನ ಮಾಡಬೇಕೆಂದು ಕೋರಿದ್ದಾರೆ.