ಕಾರ್ಯಕರ್ತರು ಪಕ್ಷ ಬಲವರ್ಧನೆಯ ಸಲುವಾಗಿ ಪ್ರತಿಯೊಂದು ಹಳ್ಳಿಗಳಿಗೂ ಸಂಚರಿಸಿ ಜೆಡಿಎಸ್ ಪಕ್ಷ ಸಂಘಟಿಸಬೇಕು ಎಂದು ಸಕಲೇಶಪುರದ ಮಾಜಿ ಶಾಸಕ ಪಕ್ಷದ ಮೂಡಿಗೆರೆ ಉಸ್ತುವಾರಿ ಹೆಚ್ ಕೆ ಕುಮಾರಸ್ವಾಮಿ ತಿಳಿಸಿದರು.
ಅವರು ಇತ್ತಿಚೆಗೆ ಮೂಡಿಗೆರೆ ಬೀಳಗುಳದ ಬ್ರಹ್ಮಶ್ರೀ ನಾರಾಯಣಗುರು ಮಲಯಾಳಿ ಸಮಾಜದ ಸಭಾಂಗಣದಲ್ಲಿ ಜಾತ್ಯಾತೀತ ಜನತಾದಳ ಪಕ್ಷದ ಸದಸ್ಯತ್ವವ ಅಭಿಯಾನ ಮತ್ತು ಪಕ್ಷ ಸಂಗಟನೆಯ ಸಭೆಯನ್ನು ಉದ್ಘಾಟಿಸಿ ಮಾತನಾಡಿದರು.
ಪ್ರತಿಯೊಬ್ಬ ಮುಖಂಡರು ಮತ್ತು ಕಾರ್ಯಕರ್ತರು ಪಕ್ಷದ ಬೆಳವಣಿಗೆಗೆ ಶ್ರಮಿಸಬೇಕು ಯಾವುದೇ ಕಾರಣಕ್ಕೂ ಪಕ್ಷ ಹಿನ್ನಡೆಗೆ ಅವಕಾಶ ನೀಡಬಾರದು ಪ್ರತಿಯೊಬ್ಬರೂ ನಾಯಕರಂತೆ ಕೆಲಸ ಮಾಡಿದಾಗ ಯಶಸ್ಸು ಕಾಣಬಹುದು. ಹಿಂದೆ ಮೂಡಿಗೆರೆ ವಿಧಾನಸಭಾ ಕ್ಷೇತ್ರದಲ್ಲಿ ಪಕ್ಷ ಗಟ್ಟಿಯಾಗಿದ್ದ ಕಾರಣ ಸಚಿವರಾಗುವ ಅವಕಾಶ ಇಲ್ಲಿಂದ ಗೆದ್ದ ನಮ್ಮ ಪಕ್ಷದ ಅಭ್ಯರ್ಥಿಗೆ ಸಿಕ್ಕಿತ್ತು. ಇಡೀ ವಿಧಾನಸಭಾ ಕ್ಷೇತ್ರದಲ್ಲಿ ಪಕ್ಷದ ಕಾರ್ಯಕರ್ತರು ಸದೃಢರಾಗಿದ್ದಾರೆ. ಎಲ್ಲರನ್ನು ಸೇರಿಸಿಕೊಂಡು ಪಕ್ಷ ಸಂಘಟನೆ ಮಾಡಬೇಕು ಹಾಗೆ ಪ್ರತಿಯೊಬ್ಬರ ಸದಸ್ಯತ್ವ ಮಾಡಬೇಕು ಎಂದರು. ಮುಂದಿನ ಜಿಲ್ಲಾ ಪಂಚಾಯಿತಿ ತಾಲ್ಲೂಕು ಪಂಚಾಯಿತಿ ಚುನಾವಣೆಗೆ ಈಗಿನಿಂದಲೇ ಪಕ್ಷದ ಕೆಲಸ ಶುರು ಮಾಡಬೇಕು ಎಂದು ತಿಳಿಸಿದರು.
ಈ ಸಂದರ್ಭದಲ್ಲಿ ಜೆಡಿಎಸ್ ಹಿರಿಯ ಮುಖಂಡರಾದ ಬಾಲಕೃಷ್ಣೆಗೌಡ, ಜ್ವಾಲನಯ್ಯ , ಜಿ.ಕೆ. ಮಂಜಪಯ್ಯ , ಗಬ್ಬಳ್ಳಿ ಚಂದ್ರೆಗೌಡ , ಕ್ಷೇತ್ರ ಸಮಿತಿ ಅಧ್ಯಕ್ಷ ಡಿ ಜೆ ಸುರೇಶ್ , ಪ್ರದಾನ ಕಾರ್ಯದರ್ಶಿ ಲೋಹಿತ್ ಬೀದರಹಳ್ಳಿ , ಎನ್.ಎಸ್.ಚಂದ್ರು, ಸುಮಾ ನಾಗೇಶ್, ರಘು ಗೌಡ, ರವಿಗೌಡ , ಮಾಜಿ ಜಿಲ್ಲಾ ಪಂಚಾಯಿತಿ ಸದಸ್ಯ ಹೂವಪ್ಪ , ಲಕ್ಶ್ಮಣ ಗೌಡ, ಜಾಕಿರ್, ಸಿದ್ದೇಶ್ ಕೆಸವಳಲು , ಜಗದೀಶ್ ಗೌಡ ಮತ್ತಿತರರಿದ್ದರು.
About Author
