ಜಾನಪದ ಕಲಾವಿದೆ ಸಬ್ಲಿ ಮಲ್ಲಮ್ಮ (75) ಶನಿವಾರ ಕೊನೆಯುಸಿರೆಳೆದಿದ್ದಾರೆ.
ಮೂಡಿಗೆರೆ ತಾಲ್ಲೂಕು ಬಣಕಲ್ ಸಮೀಪದ ಸಬ್ಲಿ ಗ್ರಾಮದ ಜಾನಪದ ಕಲಾವಿದೆ ಸಬ್ಲಿ ಮಲ್ಲಮ್ಮ ತೀವ್ರ ಹೃದಯಾಘಾತದಿಂದ ಶನಿವಾರ ಮಧ್ಯಾಹ್ನ ನಿಧನರಾದರು.
ಮಲ್ಲಮ್ಮ ಅವರು ಮಲೆನಾಡಿನ ಖ್ಯಾತ ಜಾನಪದ ಗಾಯಕರಾಗಿದ್ದರು. ಸೋಬಾನೆ ಪದ, ರಾಗಿ ಬೀಸೋ ಪದ ಹಾಗೂ ನಾಟಿ ಪದಗಳನ್ನು ನಿರರ್ಗಳವಾಗಿ ಹಾಡುತ್ತಿದ್ದರು. ಅವರಿಗೆ 2019 ರಲ್ಲಿ ಮೂಡಿಗೆರೆ ಕನ್ನಡ ರಾಜ್ಯೋತ್ಸವ ಸಮಾರಂಭದಲ್ಲಿ ರಾಜ್ಯೋತ್ಸವ ಪ್ರಶಸ್ತಿ ನೀಡಿ ಗೌರವಿಸಲಾಗಿತ್ತು.
ಮೃತರಿಗೆ ನಾಲ್ಕು ಪುತ್ರರಿದ್ದಾರೆ. ಮೃತರ ಅಂತ್ಯಕ್ರಿಯೆ ಭಾನುವಾರದಂದು ಮದ್ಯಾಹ್ನ ಸಬ್ಲಿ ರುದ್ರಭೂಮಿಯಲ್ಲಿ ನೆರವೇರಲಿದೆ.
About Author
