ಚಾಲಕನ ನಿಯಂತ್ರಣ ತಪ್ಪಿ ಟೆಂಪೋ ಟ್ರಾವೆಲರ್ ವಾಹನ ಪಲ್ಟಿ ಹೊಡೆದು ಹಲವರು ಗಂಭೀರ ಗಾಯಗೊಂಡಿರುವ ಘಟನೆ ನಡೆದಿದೆ.
ಮೂಡಿಗೆರೆ ತಾಲ್ಲೂಕಿನ ಕೊಟ್ಟಿಗೆಹಾರ ಹೊರನಾಡು ರಸ್ತೆಯಲ್ಲಿ ಪ್ರವಾಸಿಗರ ಟಿ.ಟಿ. ವಾಹನ ಪಲ್ಟಿಯಾಗಿದೆ. ಟಿ.ಟಿ. ವಾಹನದಲ್ಲಿ ಶಿರಸಿ ಮೂಲದ 15 ಜನ ಪ್ರಯಾಣಿಸುತ್ತಿದ್ದರು.
ಪ್ರವಾಸಿಗರು ಧರ್ಮಸ್ಥಳ ಪ್ರವಾಸ ಮುಗಿಸಿ ಚಾರ್ಮಾಡಿ ಘಾಟ್ ಮೂಲಕ ಆಗಮಿಸಿ ಕೊಟ್ಟಿಗೆಹಾರದಿಂದ ಹೊರನಾಡು ಕಡೆಗೆ ತೆರಳುತ್ತಿದ್ದರು ಎನ್ನಲಾಗಿದೆ.
ಕೊಟ್ಟಿಗೆಹಾರದ ಸಮೀಪ ದೇವನಗೂಲ್ ಎಂಬಲ್ಲಿ ಅತಿವೇಗದಲ್ಲಿ ಚಲಿಸುತ್ತಿದ್ದ ಟಿ.ಟಿ. ವಾಹನ ಚಾಲಕನ ನಿಯಂತ್ರಣ ತಪ್ಪಿ ರಸ್ತೆಗೆ ಉರುಳಿ ಬಿದ್ದಿದೆ.
ವಾಹನದಲಿದ್ದ ಹಲವರಿಗೆ ಗಂಭೀರ ಗಾಯಾಗಳಾಗಿದ್ದು , ಗಾಯಗೊಂಡವರನ್ನು ಸ್ಥಳೀಯರ ನೆರವಿನಿಂದ ಮೂಡಿಗೆರೆ ಸರಕಾರಿ ಆಸ್ಪತ್ರೆಗೆ ಸೇರಿಸಲಾಗಿದೆ.