ಕತಾರ್ ನಲ್ಲಿ ನಡೆಯುತ್ತಿರುವ ವಿಶ್ವಕಪ್ ಫುಟ್ಬಾಲ್ ಪಂದ್ಯಾವಳಿಯ ಪ್ರೀ ಕ್ವಾರ್ಟರ್ ಫೈನಲ್ ಹಣಾಹಣಿಯಲ್ಲಿ ಜಪಾನ್ ತಂಡ ಪೆನಾಲ್ಟಿ ಶೂಟೌಟ್ ನಲ್ಲಿ ಎಡವಿ ಟೂರ್ನಮೆಂಟ್ ನಿಂದ ಹೊರನಡೆಯಿತು. ಕ್ರೊವೇಷಿಯಾ ಕ್ವಾರ್ಟರ್ ಗೆ ಫೈನಲ್ ಗೆ ಮುನ್ನಡೆಯಿತು.
ಪೂರ್ಣಅವಧಿಯಲ್ಲಿ ಎರಡು ತಂಡಗಳು 1-1 ಗೋಲುಗಳೊಂದಿಗೆ ಸಮಬಲ ಸಾಧಿಸಿದ್ದವು. ನಂತರ ಹೆಚ್ಚುವರಿ 30 ನಿಮಿಷಗಳಲ್ಲಿಯೂ ಎರಡು ತಂಡಗಳು ಗೋಲು ಗಳಿಸಲು ವಿಫಲವಾದವು. ನಂತರ ವಿಜೇತರ ನಿರ್ಣಯಕ್ಕೆ ಫೆನಾಲ್ಟಿ ಶೌಟೌಟ್ ಮೊರೆಹೋಗಲಾಯಿತು. ಆಗ ಜಪಾನ್ ಗೆ ಕ್ರೋವೇಷಿಯಾ ಗೋಲ್ ಕೀಪರ್ ಡೊಮಿನಿಕ್ ತಡೆಗೋಡೆಯಾದರು. ಜಪಾನ್ ನ ಮೂರು ಫೆನಾಲ್ಟಿ ಪ್ರಯತ್ನಗಳನ್ನು ವಿಫಲಗೊಳಿಸಿದರು. ತನ್ನ ತಂಡವನ್ನು ಎಂಟರ ಘಟ್ಟಕ್ಕೆ ಕೊಂಡೊಯ್ಯುವಲ್ಲಿ ಪ್ರಮುಖ ಪಾತ್ರ ವಹಿಸಿದರು.
ಸ್ಪೇನ್ ಮತ್ತು ಜರ್ಮನಿಯಂತಹ ಬಲಿಷ್ಠ ತಂಡಗಳನ್ನು ಸೋಲಿಸಿ ಮುನ್ನಡೆದಿದ್ದ ಜಪಾನ್ ಕ್ವಾರ್ಟರ್ ಫೈನಲ್ ನಲ್ಲಿ ಮುಗ್ಗರಿಸಿತು. ಈ ಮೂಲಕ ಜಪಾನ್ ಅಭಿಮಾನಿಗಳು ತೀವ್ರ ನಿರಾಸೆಯಿಂದ ಕಣ್ಣೀರಿಟ್ಟರು.
ಬ್ರಿಜಿಲ್ ಗೆ ಮಣಿದ ದಕ್ಷಿಣ ಕೊರಿಯಾ ; ಏಷ್ಯಾ ತಂಡಗಳ ಅಭಿಯಾನ ಅಂತ್ಯ
ತಡರಾತ್ರಿ ನಡೆದ ಇನ್ನೊಂದು ಪ್ರಿ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಬಲಿಷ್ಠ ಬ್ರಿಜಿಲ್ ತಂಡವು ದಕ್ಷಿಣ ಕೊರಿಯಾ ತಂಡವನ್ನು 4-1 ಗೋಲಗಳಿಂದ ಮಣಿಸಿತು. ಪಂದ್ಯದುದ್ದಕ್ಕೂ ಮೇಲುಗೈ ಸಾಧಿಸಿದ ಬ್ರಿಜಿಲ್ ತಂಡ ದಕ್ಷಿಣ ಕೊರಿಯಾವನ್ನು ಸುಲಭವಾಗಿ ಸೋಲಿಸಿತು.
ಜಪಾನ್ ಮತ್ತು ದಕ್ಷಿಣ ಕೋರಿಯಾ ತಂಡಗಳು ಟೂರ್ನಿನಿಂದ ಹೊರಬೀಳುವ ಮೂಲಕ ಫಿಪಾ ವಿಶ್ವಕಪ್ ಪುಟ್ಬಾಲ್ ಪಂದ್ಯಾವಳಿಯಲ್ಲಿ ಏಷ್ಯಾ ತಂಡಗಳ ಅಭಿಯಾನ ಅಂತ್ಯವಾಗಿದೆ.
About Author
